8月22日澳门 永利皇宫 开幕,坊间套票价每位$1,099(房价+船票),住唔住得过?唔使心大心细,记者上周已率先试住,可睇睇「皇宫」有咩咁巴闭先!酒店外有缆车载你入宫,内部设计又似足土豪花世界,好浮夸!以下精选5大必睇位,睇完再决定喇!

撰文:Elaine | 摄影:Yee

1. 永利皇宫 缆车 3分钟载入宫

皇宫外有缆车,搭3分钟直达宫内1楼,每位入场费MOP$100,记者试搭入宫,车速甚快,眨眼就升到表演湖上方,沿途会绕过湖两边的巨型金龙,记得把握机会影相!缆车有2个上车位,由地面上车可直入酒店1楼缆车大堂,票价包坐来回,地面至酒店为半程,而绕湖一周共需6分钟。建议大家夜晚来坐,因为下方表演湖有喷泉表演,入黑后七彩缤纷更靓!详情请睇下文。

率先试住!澳门 永利皇宫 5大必睇位率先试住!澳门 永利皇宫 5大必睇位金龙上方的齿轮是缆车的转向盘,转运时比海洋公园吊车更加剧震,全程共5个齿轮,大家小心震亲。

率先试住!澳门 永利皇宫 5大必睇位

瑞士製缆车可容纳6人,需与他人共乘,升到高处时居高临下赏湖景好靓!

2. 情侣BB必去!夜间浪漫喷泉show

缆车下的人工湖,每15分钟一次喷泉show,朝早11点狂loop至午夜12点,全长3分钟。早知喷泉show夜晚时有七彩缤纷的灯光,我梗係食饱饭后先去睇,听讲湖里装有1,006支喷水管,水花从湖底升起喷得超澎湃,仲有轻快英文歌伴奏!睇咗几转,最后嗰次播《My Heart Will Go On》,旁边对情侣搂到实一实,劲冧猪~

率先试住!澳门 永利皇宫 5大必睇位建议于上一转表演结束后约13分钟,于酒店1楼上车,就包睇到表演!留意唔好在地面上车,因上到酒店1楼需要全体下车,会错过表演!

率先试住!澳门 永利皇宫 5大必睇位

位于酒店2楼的泳池,有间pool cafe,对正表演湖,可欣赏到喷泉表演!率先试住!澳门 永利皇宫 5大必睇位3. $0入场 皇宫打卡位

宫内虽然迫满人,但我发现好多都唔係住客,而是凑热闹的游客!原来宫内有大量靓靓装置,专for大家影相打卡,唔使入场费,$0就可玩转皇宫!宫内分东、南、北3个大门,各放置了浮夸花艺雕塑:东门是穿梭巴士站,内有6朵彩色吹气郁金香,是美国艺术家Jeff Koons的作品,行近自拍可从花上见到自己的倒影,又几靓喎,我指朵花~还有南门的旋转木马和北门的摩天轮,由着名花艺师Preston Bailey用过万朵鲜花创作,花痴少女必到!

率先试住!澳门 永利皇宫 5大必睇位第1站:东门

一落穿梭巴士,直入会见到郁金香雕塑,由美国知名艺术家Jeff Koon製作。

率先试住!澳门 永利皇宫 5大必睇位

第2站:北庭园大堂

摩天轮用了过10万朵花製作,更加装了机械装置会不断转动!

率先试住!澳门 永利皇宫 5大必睇位第3站:南庭园大堂

花花旋转木马,从摩天轮的北庭园直行便抵达。

率先试住!澳门 永利皇宫 5大必睇位

 

率先试住!澳门 永利皇宫 5大必睇位 率先试住!澳门 永利皇宫 5大必睇位 率先试住!澳门 永利皇宫 5大必睇位 率先试住!澳门 永利皇宫 5大必睇位

顺带一提,宫内有免费wifi,收得好好。

率先试住!澳门 永利皇宫 5大必睇位

东门有穿梭巴士站,可至凼仔码头、港澳码头、官也街、关闸和莲花口岸。

率先试住!澳门 永利皇宫 5大必睇位

4. 歇脚餐饮推介

行到攰,皇宫有咩好食?宫内有多间餐厅,自助餐、拉麵、中菜、日式料理等,但当然唔平喇,好彩亦有平民价选择。最推介「甜艺廊」,$32有高质酒店雪糕歎,另亦有$35窝夫或煎饼,啱晒下午茶坐低抖抖。旁边仲有间Starbucks,装修到古代宫廷咁,唔爱甜品可入去饮杯啡。率先试住!澳门 永利皇宫 5大必睇位率先试住!澳门 永利皇宫 5大必睇位

雪糕有多款口味如果仁、栗子、野莓等可选,细杯$32,大杯$42,甜筒或杯装均同价。

率先试住!澳门 永利皇宫 5大必睇位环境似故宫咁古典,原来係Starbucks!壁画中的古人都拎住杯Starbucks,又几有创意。

率先试住!澳门 永利皇宫 5大必睇位 率先试住!澳门 永利皇宫 5大必睇位 率先试住!澳门 永利皇宫 5大必睇位另外,酒店内有间「永利马卡龙」,有唔少游客会去买返盒做手信。1件单售MOP$28;2件礼盒装MOP$80;6件MOP$198。率先试住!澳门 永利皇宫 5大必睇位

5. 千呎皇宫套房实录

皇宫有7种房型,坊间套票通常做较基本的「皇宫客房」或「表演湖景套房」。皇宫房面积偏大,一般5星酒店基本房约5百呎,但「皇宫客房」有840呎,连小客厅的「湖景套房」则达1,150呎!我住的是千呎湖景套房,以橙和米白色为主,几简约雅致,无想像中咁土豪喎,而且隔住玻璃睇喷泉表演劲似去咗Vegas!如经旅行社订房,「皇宫客房」连船飞每位$1,099,但留意只得部份房对正表演湖睇到喷泉,如想包睇到表演,就要畀贵$500住「表演湖景套房」喇!

率先试住!澳门 永利皇宫 5大必睇位

浴室使用英国品牌Molton Brown,镜上还有LCD电视屏,设计高档。

率先试住!澳门 永利皇宫 5大必睇位率先试住!澳门 永利皇宫 5大必睇位 率先试住!澳门 永利皇宫 5大必睇位 率先试住!澳门 永利皇宫 5大必睇位 率先试住!澳门 永利皇宫 5大必睇位 房内提供劲多款茶叶、小食,价钱由MOP$55起,仲有盒叫「私密」,唔知係咩呢?率先试住!澳门 永利皇宫 5大必睇位贯彻宫廷风,连把梳都係土豪金色。率先试住!澳门 永利皇宫 5大必睇位

澳门永利皇宫

地址:澳门路凼体育馆大马路

电话:+853-8889-8889

交通:凼仔码头乘酒店巴士约10分钟

网址:wynnpalace.com

$1,099起 2日1夜永利皇宫套票

订购日期:即日至

入住日期:10月7日至11月30日(9及12月贵$100)

周末价格:周四$1,159;周五$1,499;周六$1699;周日$1,199

另包:来回凼仔船票、缆车门票

查询:搵房2 2311 8948